Kujtohet eksodi “Bllaca 99”

Hani i Elezit këtë të hënë ka qenë nikoqir i shumë shoqatave e organizatave që në çfarëdo forme ndihmuan shqiptarët e Kosovës pas dëbimit të dhunshëm nga shtëpitë e tyre për në Bllacë të Maqedonisë së Veriut, përcjellë albinfo.ch.

“Shoqata për Kthimin e Shqiptarëve të Shpërngulur nga Trojet e Veta” ndau çmimin “Hasan Prishtina” për 24 komuna, bashkësi lokale, shoqata humanitare, organizata joqeveritare e mediume nga RMV, që ndihmuan refugjatët kosovarë gjatë kohës së luftës të vitit 1998-99, shkruan Kosovapress, përcjellë albinfo.ch.

Kryetari i Shoqatës, Jahja Lluka u shpreh se është obligim i të gjithëve për ta mbajtur gjallë Bllacën e viteve të 99-ta. “E kemi për obligim ta mbajmë gjallë Bllacën e viteve 99-të, 440 mijë njerëz kanë kaluar nëpër Bllacë. Më e mira e Bllacës 99-të është pas fitores se pas UÇK-së është fitorja e refugjateve shqiptarë. Prishtina e ka për obligim t’i ndihmojë Hanin e Elezit, memorialin, sepse Prishtina ka buxhet, të cilin nuk mund ta harxhojë, kështu që, është më mirë të harxhohet për një të mirë të përbashkët. Qeveria e Kosovës pa marrë parasysh kush vjen kryeministër, duhet të ketë interesim më të madh për mirëmbajtjen e memorialit, ashtu siç kërkon shteti të mirëmbahet njëjtë kërkon edhe memoriali, sepse ndoshta pas një kohe nuk mund të ekzistojë”, tha Lluka, përcjellë albinfo.ch.

Kryetari i komunës së Hanit të Elezit, Mehmet Pallazhi, në një fjalë rasti tha se Bllaca do të jetë përherë pjesë e historisë së Kosovës. “Bllaca është simbol i tragjedisë së shqiptarëve, por njëkohësisht dhe simbol i qëndrueshmërisë. Me angazhimin tonë Bllaca 99-të do të jetë përherë pjesë e historisë tonë, sepse vetëm duke i kujtuar do ta mbajmë gjallë ndjenjën e atdhedashurisë”, u shpreh Pallazhi, shkruan KSP, përcjellë albinfo.ch.

Fotografi Asllan Krasniqi të hënën hapi edhe arkivin e tij pas 24 vjetësh për të kujtuar eksodin e shqiptarëve. Po ashtu, në Bllacë u mbajt Orë letrare me poezi konkurruese të zgjedhura nga komisioni për “ 24 poet – 24 poezi – 24 vjetorin” përcjell me Program artistik nga Ansambli shtetëror i këngëve dhe valleve “Shota” Prishtinë, shkruan KSP, përcjellë albinfo.ch.

10 prilli shënon eksodin e mbi 440 mijë shqiptarëve drejt Bllacës për shkak të dëbimit nga shtëpitë e tyre nga serbët.