A ka siguri për mbajtjen e zgjedhjeve në veri të Kosovës?

@albinfo.ch

Më 23 prill në katër komunat veriore të Kosovës, Zubin Potok, Leposaviq, Mitrovicë e Veriut dhe Zveçan janë paraparë të mbahen zgjedhjet lokale për kryetar komunash. Në këto zgjedhje Lista serbe nuk do të marrë pjesë, për shkak që kërkojnë themelimin e Asociacionit të Komunave me shumicë serbe dhe largimin e policisë së Kosovës nga kjo zonë, përcjell albinfo.ch.

Lista Serbe këtë të premte takoi në Beograd presidentin e Serbisë, Alkesandar Vuçiq, dhe diskutuan për situatën në Kosovë, sigurinë, targat, arrestimet dhe zgjedhje, shkruan Zëri i Amerikës, përcjell albinfo.ch.

Vuçiq u shpreh se diskutimet do të vazhdojnë për të hartuar një platformë të përbashkët dhe shtoi se zgjedhjet po organizohen vetëm për dy për qind të popullsisë, duke iu referuar popullsisë shqiptare në këtë zonë, shkruan Zëri i Amerikës, përcjell albinfo.ch.

Ndërkohë, Kryeministri i Kosovës, Albin Kurti, ka bërë me dije se institucionet janë duke vazhduar punën për mbajtjen e zgjedhjeve lokale në Veri. “Pluralizmi politik dhe mbi të gjitha e drejta e votimit lirshëm e papengesa te komuniteti serb janë të domosdoshme. Kushdo që vijon të cenojë këtë të drejtë themelore nuk ka çfarë të presë tjetër përveç se përgjigjen e institucioneve tona me forcën e ligjit”, tha Kurti, raporton Zëri i Amerikës, përcjell albinfo.ch.

Ambasadat e Shteteve të Bashkuara, Francës, Gjermanisë, Italisë dhe Mbretërisë së Bashkuar në Prishtinë kanë shprehur keqardhjen për vendimin e Listës Serbe, por që inkurajojnë institucionet e Kosovës për proces të lirë e demokratik. Në anën tjetër, grupi i organizatave për vëzhgimin e zgjedhjeve “Demokracia në Veprim” tha se rrethanat aktuale nuk mundësojnë mbajtën e zgjedhjeve të lira dhe të drejta në veriun e vendit. Zgjedhjet për kryetarët e komunave verior, Mitrovicë e Veriut, Zveçan, Leposaviq dhe Zubin Potok u caktuan fillimisht për datën 18 dhjetor të vitit të kaluar, por ato u shtynë me kërkesën e diplomatëve perëndimorë. Institucionet në veri mbetën bosh në nëntor të vitit të kaluar kur përfaqësuesit serbë në zonë dhanë dorëheqje nga vendet e tyre të punës mes tensioneve për shkak të mospajtimeve ndaj një vendimi të qeverisë në Prishtinë për riregjistrimin e makinave me targa serbe në ato të Republikës së Kosovës, shkruan Zëri i Amerikës, përcjell albinfo.ch.