Lajme
Franca dhe Gjermania shtojnë ndihmat ushtarake për Ukrainën
Gjatë një prononcimi, ministri francez i Mbrojtjes, Sébastien Lecornu, tha se Franca do të rrisë duke filluar nga fundi i marsit furnizimet me predha 155 mm, duke dërguar 2,000 predha në muaj. Franca do të vërë në dispozicion pajisjet e nevojshme për kundërsulmin e Ukrainës. Predhat 155 milimetra mund të përdoren jo vetëm me armë artilerie të prodhimit francez, por edhe me armë artilerie të tipit Panzerhaubitze 2000, që Gjermania i ka vënë në dispozicion Ukrainës. Sipas Lecornu Franca sikurse kishte premtuar po përgatit për t’i dorëzuar së shpejti Ukrainës një sistem të mbrojtjes ajrore SAMP/T. Përveç kësaj, Franca po shqyrton edhe rimbushjen e një fondi mbështetës për Ukrainën.
Macron mbështet “ekonominë e luftës”
Pasi Bashkimi Evropian vendosi të shpenzojë bashkarisht dy miliardë euro për një milion predha, presidenti francez, Emmanuel Macron, po zhvillon bisedime me përfaqësues të industrisë së armatimeve për të diskutuar kalimin në një “ekonomi lufte”, për të cilën po bën prej disa kohësh thirrje.
Kompania franceze Nexter planifikon që deri në vitin 2025 të prodhojë 150,000 granata në vit – tri herë më shumë se para shpërthimit të luftës. Në shkurt, Sekretari i Përgjithshëm i NATO-s, Jens Stoltenberg, paralajmëroi për mungesë municionesh në Ukrainë, sepse në front, sipas tij, po përdoret më shumë municion sesa mund të prodhojë NATO-ja.
Gjermania planifikon më shumë ndihma ushtarake për Kievin
Edhe qeveria gjermane synon të rrisë ndjeshëm ndihmën ushtarake për Ukrainën. Komisioni i Buxhetit pritet të miratojë sot (29.03.) fonde shtesë prej 12 miliardë eurosh për Ukrainën. Një pjesë e parave do të përdoret për të blerë direkt armë për Ukrainën, si pjesë e të ashtuquajturës “nismë për kalitjen e Ukrainës”. Pjesa tjetër do të shërbejë për të mbushur boshllëqet në depot e ushtrisë gjermane Bundeswehr, që u shkaktuan nga dërgimi i armëve në Ukrainë.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
-
Ardon Jashari largohet përfundimisht nga Lucerni
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi