Lajme
Macron nuk tërhiqet: Reforma e pensioneve është domosdoshmëri
Me tone sfiduese, presidenti francez Emmanuel Macron ka mbrojtur vendimin e tij për të rritur moshën e pensionit, pavarësisht protestave që kanë përfshirë Francën dhe kalimit të dy votëbesimeve.
“Kjo reformë nuk është një manovër luksoze, nuk bëhet nga kënaqësia, ajo është një vendosmëri”, ka deklaruar Macron.
Deklaratën e tij, shefi i pallatit Elize e bëri të mërkurën, në daljen e parë televizive që nga nisja e protestave, e transmetuar nga televizionet kryesore franceze.
Ai theksoi se protestuesit kanë të drejtë të mbushin rrugët për të manifestuar zemërimin e tyre, por aktet e dhunës sipas tij janë të papranueshme.
“Mendoni se gëzohem nga miratimi i kësaj reforme? Jo”, tha Macron, duke shtuar se nuk mund të heqë dorë nga çështja pavarësisht rënies së popullaritetit të tij.
Franca ka një sistem pensionesh ku punonjësit paguajnë për t’u tërhequr. Presidenti vuri në dukje se kur nisi punën ishin 10 milionë pensionistë francezë, ndërsa tani janë 17 milionë.
“Sa më gjatë të presim, aq më shumë do përkeqësohet deficiti. Është koha të lëvizim, t’i rikthehemi dialogut me sindikatat dhe të gjitha forcat politike që janë të gatshme të mbështesin diçka të tillë”, tha Macron.
Të martën, Franca kaloi ditën e gjashtë të protestave ku u verifikuan disa qindra arrestime në një seri qytetesh. Një raund i ri protestash dhe grevash kombëtare do të mbahet ndërkohë ditën e enjte./Reuters
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
-
Ardon Jashari largohet përfundimisht nga Lucerni
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi