Abdixhiku thotë se Kurti po bën lëshime të mëdha në dialog

Kryesia e Lidhjes Demokratike të Kosovës ka diskutuar sot për zhvillimet e fundit që kanë të bëjnë me dialogun Kosovë-Serbi. Për këtë proces u shpreh kritik kryetari i LDK-së, Lumir Abdixhiku.

Në një postim në Facebook, Abdixhiku ka thënë se në procesin e dialogut janë bërë lëshime të mëdha nga pala kosovare, transmeton Albinfo.ch.

“Sot, mbajtëm mbledhjen e radhës së Kryesisë së Lidhjes Demokratike të Kosovës. Diskutuam për zhvillimet e fundit politike në vend, me theks të veçantë mbi temën e dialogut dhe lëshimet e mëdha të bëra në këtë proces”, ka shkruar Abdixhiku.

Sipas tij, këto lëshime, përveç se humbje e një mundësie për avancim substancial të pozicionit shtetar të Kosovës, tashmë po shndërrohen dhe në kushte obligative integruese për vendin tonë; adaptimi me të cilat do të jetë sa i pashmangshëm aq edhe sfidues./Albinfo.ch/