Boronicat, vlerat e tyre për shëndetin e njeriut

pixabay

Boronicat janë vendosur në mesin e frutave dhe perimeve në renditjen më të lartë për densitet të vlerave të shëndetshme ushqyese.

Nuk ka shumë kalori në boronica, por ato përbëhen nga një sasi e mirë të vitaminave dhe mineraleve. Profili i ushqimeve të boronicës është veçanërisht i lartë në fibra, vitaminë K, mangani dhe vitamina C.

Boronica përmban një përbërje bimore të quajtur anthocyanin. Kjo u jep boronicave ngjyrën e tyre blu dhe shumë nga përfitimet e tyre shëndetësore dhe që shpesh kanë një efekt të fuqishëm antioksidues.

Boronica mund të ndihmojë shëndetin e zemrës, shëndetin e flokëve dhe lëkurës, ul rrezikun nga obeziteti, mbajtjen e presionit të gjakut në nivel, menaxhimin e diabetit, parandalimin e kancerit dhe shëndetin mendor.

Boronica përmban hekur, fosfor, kalcium, magnez, mangan, zink dhe vitaminë K. Secili prej tyre është një komponentë, e cila ndihmon ne shëndetin e kockave. Marrja adekuate e këtyre mineraleve dhe vitaminave kontribuon në ndërtimin dhe mirëmbajtjen e strukturës dhe forcës kockore.

Një filxhan boronicë siguron 24 për qind të sasisë së rekomanduar ditore të vitaminës C. Boronicat mund t’i konsumoni të freskëta ose edhe të ngrira, ato mund të përfshihen në një shumëllojshmëri të recetave: kos, bollgur, ose drithëra, përzierje në smothie ose shurup si dhe me kombinime të tjera sipas dëshirës suaj.

Këshillë:

Njerëzit që përdorin hollues të gjakut, siç është varfarina, duhet të konsultohen me mjekun e tyre para se të shtojnë marrjen e boronicave, pasi përmbajtja e lartë e vitaminës K mund të ndikojë në koagulimin e gjakut.