Vuçiq quhet “tradhtar” pas marrëveshjes në Ohër

Ish-ministri i Punëve të Jashtme të Serbisë, Vuk Jeremiq, ka reaguar pas arritjes së marrëveshjes në Ohër të shtunën mes Kosovës dhe Serbisë.

Sipas tij, me marrëveshjen për planin e zbatimi presidenti i Serbisë, Aleksandar Vuçiq, ka kryer tradhti.

“Është shumë serioze. Në Bruksel u pranua parimi i barazisë së sovranitetit të Serbisë dhe “Kosovës”, sikurse edhe anëtarësimi i Prishtinës në të gjitha organizata ndërkombëtare. Tani është pranuar edhe plani I zbratimit siq thotë Borrell “në plotëni”. Është tradhti e lartë dhe mund të parandalohet vetëm me referendum”, ka shkruar Jeremiq, përcjellë albinfo.ch.

Kosova dhe Serbia, ndonëse nuk nënshkruan, arritën marrëveshje për planin e zbatimit të marrëveshjes për normalizim të marrëdhënieve.