Austria mirëpret Marrëveshjen për normalizim

Foto: Alexander Schallenberg - Facebook

Ministri i Punëve të Jashtme i Austrisë, Alexander Schallenberg, ka mirëpritur marrëveshjen për normalizim të marrëdhënieve që u arrit në Ohër të shtunën.

“Lajme të mira nga Ohri në këto orë të vonshme. Kosova dhe Serbia kanë bërë një hap tjetër drejt normalizimit të marrëdhënieve të tyre. Kjo është kyçe kur bëhet fjalë për integrimi evropian. Shumë faleminderit Josep Borrellit dhe Miroslav Lajçakut për angazhimin e juaj të vazhdueshëm”, ka shkruar Schallenberg, përcjell albinfo.ch.

Kosova dhe Serbia të shtunën në Ohër kanë arritur marrëveshje për zbatimin e marrëveshjes bazë për normalizim të marrëdhënieve. Palët u pajtuan, por nuk nënshkruan marrëveshjen, megjithatë Bashkimi Evropian e aprovoi atë me një deklaratë.