Franklin Munishi dorëhiqet nga posti i kryetarit të partisë Die Mitte, Wil

Zgjedhjet e suksesshme të Beni Würth, Susanne Hartmann dhe Hans Mäder, si dhe zgjedhjet kombëtare dhe kantonale ishin pikat kulmore të presidencës së tij

Franklin Munishi, kryetari i deridjeshëm i degës së partisë “Die Mitte” (Qendra ose ish CVP) i ka dorëzuar koleges së tij, Eliane Keller të enjten postin e kryetarit të degës, transmeton albinfo.ch. Ai ka drejtuar “Die Mitte Wil” për gjashtë vjet, ndërsa kishte qenë më parë anëtar i kryesisë që nga viti 2009.

Zgjedhjet e suksesshme të Beni Würth, Susanne Hartmann dhe Hans Mäder, si dhe zgjedhjet kombëtare, shtetërore dhe kantonale ishin pikat kulmore të presidencës së tij, shkruan hallowil.ch.

Eliane Keller është gruaja e parë që u zgjodh presidente ndërsa Andi Breitenmoser, një këshilltar i popullarizuar i qytetit u bë anëtar i partisë.

Të dyja zgjedhjet u bënë me unanimitet.

Kryetari i deritashëm, Franklin Munishi raportoi për aktivitetet e vitit të kaluar me rekrutimin premtues të tetë anëtarëve të rinj dhe ngjarje të shumta të suksesshme.

Christoph Hürsch dhe Erwin Schweizer falënderuan Franklin Munishin për angazhimin e tij të madh në shërbim të partisë, përcjell albinfo.ch. Në raportin e tij, kryetari i grupit parlamentar, Christoph Hürsch, shqyrtoi çështjet e vitit të kaluar në Parlament.

Presidentja e sapozgjedhur Eliane Keller e cila në fakt është kryetarja e parë femër e degës së partisë Die Mitte të Wil-it – ka qenë anëtare e bordit për një vit dhe sjell me vete një bagazh të pasur aktivitetesh. tani atë e presin sfida të reja.

---