Kosova

Borrell: Të pranohet plani evropian

E enjte, 16 Mars 2023 - 16:25 albinfo.ch

Përfaqësuesi i Lartë i Bashkimit Evropian për Politikë të Jashtme, Josep Borrell, ka deklaruar sot se takimi i 18 marsit në Ohër do të bëhet për të rëndë dakord se si të zbatohet marrëveshja e propozuar nga BE-ja.

Përmes një postimi në Twitter, Borrell ka bërë thirrje se është koha që të përfundojë kjo çështje.

Kryeministri i Kosovës, Albin Kurti, dhe presidenti i Serbisë, Aleksandër Vuçiç, do të mbajnë takimin e radhës në kuadër të dialogut më 18 mars në Ohër.

Bashkimi Evropian ka informuar se Përfaqësuesi i Lartë i BE-së për politikë të Jashtme, Josep Borrell, së bashku me emisarin special të BE-së për dialogun, Miroslav Lajçak, nga ora 10:00 do të takohen ndaras me kryeministrin Albin Kurti dhe me presidentin e Serbisë, Aleksandër Vuçiç. Pas takimeve ndaras, do të mbahet edhe një takim i përbashkët, i cili do të fokusohet në Propozimin e BE-së për normalizimin e marrëdhënieve ndërmjet Kosovës dhe Serbisë.

Më 27 shkurt, Kosova dhe Serbia kanë rënë dakord për përmbajtjen e Propozimit evropian, sipas zyrtarëve të Bashkimit Evropian.

 Të tjera nga Kosova

Presidentja Osmani priti në takim të dërguarin e posaçëm të Norvegjisë, Eirik Nestås Mathisen

 E-Diaspora

 Jeta në Austri