Tematike
Operacioni kundër mafisë serbe, më i madhi i zhvilluar ndonjëherë, në Austri
Zyra Federale e Policisë Kriminale ka hetuar kundër gjithsej 10,000 personave që besohet se u përkasin organizatave mafioze në Serbi dhe Mal të Zi
Mediet austriake raportojnë sot për një operacion të madh policor dhe hetues, të drejtuar kundër organizatave mafioze serbe dhe malazeze në Austri.
Pothuajse dy vjet më parë pati filluar “kompleksi më i madh i hetimeve kriminale” që është zhvilluar ndonjëherë në Austri: “Operacioni Akil” („Operation Achilles”), transmeton albinfo.at. Zyra Federale e Policisë Kriminale ka filluar hetimet kundër gjithsej 10,000 personave që thuhet se u përkasin organizatave mafioze në Serbi dhe Mal të Zi.
Në bashkëpunim me FBI-në e SHBA-së, u deshifruan bisedat nëpërmjet celularëve kripto, shkruan orf.at. Ato merreshin, ndër të tjera, me trafikun e drogës, torturën dhe vrasjet me porosi.
Në një intervistë me radion Ö1, Daniel Lichtenegger, hetues kryesor i drogës në Zyrën Federale të Policisë Kriminale, u shpreh kështu: “Po flasim për kocka të thyera, tortura, abuzime, vrasje, ekzekutime de facto duke përfshirë heqjen e gjymtyrëve të ndryshme dhe më pas ekspozimin e tyre. Dhe, kjo ndodh në mes të Evropës. Mandej, nuk dua të përjashtoj që ka ndodhur edhe në Vjenë”.
Në Austri, në lidhje me operacionin kanë punuar rreth 15 hetues nga Zyra Federale e Policisë Kriminale dhe dhjetëra të tjerë, në Zyrat e Policisë Kriminale Shtetërore, përcjell albinfo.at. Ata kanë vlerësuar bisedat, fotot dhe videot nga më shumë se 10,000 njerëz dhe rreth 50 sindikata kriminale të lidhura me Austrinë. Fokusi është te klanet serbe dhe malazeze.
Lichtenegger e përshkruan Austrinë si një vendstrehim dhe një vend negocimi për këto klane. Torturat dhe vrasjet kryesisht në Ballkan janë pjesë e luftërave të bandave dhe veprimeve ndëshkuese. Numri tre i supozuar i klanit Kavac, një 34-vjeçar me nofkën “Dexter”, konsiderohet veçanërisht brutal.
Ky është një anëtar drejtues i një prej karteleve ballkanike dhe gjithashtu “guvernator” në Vjenë. “Në thelb, ai akuzohet për tetë urdhra vrasjesh”, thotë Lichtenegger. “Dexter” ishte një nga 81 të arrestuarit në Austri në qershortë vitit 2021 si pjesë e një operacioni tjetër policor ndërkombëtar. Dënimi i parë ndaj tij ishte njëmbëdhjetë vjet burg.
“Sasia e madhe e të dhënave, është bekim dhe njëherësh mallkim. Mallkim, sepse nevojiten resurset. Kjo do të thotë se na duhen edhe dhjetë vite të tjera. Ky është thjesht kompleksi më i madh i hetimeve penale në Austri që është zhvilluar ndonjëherë”, tha Lichtenegger, përcjell albinfo.ch. Në përgjithësi, janë shqiptuar dënime me burg në total mbi 200 vjet, si rezultat i “Operacionit Akil”.
Të ngjashme
Të tjera nga Tematike
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?