Blerja e një shtëpie, gjithnjë e më shtrenjtë në Zvicër

@pixabay

Blerja e një shtëpie në Zvicër është gjithnjë e më e shtrenjtë: në vitin 2022, rritja mesatare e çmimit ishte 6.4%.

Sipas sondazheve të Entit Federal të Statistikave, çmimi i shtëpive për një familje u rrit me 7.3%, ai i apartamenteve me 5.6%. Vetëm në tremujorin e katërt, rritja mesatare ishte 1.2% (+2.0% shtëpi, +0.5% apartamente), shkruajnë mediat zvicerane, përcjell albinfo.ch.

Sa u përket shtëpive, progresi ka përfshirë të gjitha llojet e komunave, por është veçanërisht i theksuar në ato rurale (+5.5%). I njëjti fenomen është vërejtur edhe për banesat (+3,8% në fshat), ndërsa në bashkitë e mëdha me aglomerate ka pasur rënie çmimi (-1,1%).