Shkon në 2500 numri i viktimave nga tërmeti në Turqi

Keystone (DIA Images via AP)

Numri i të vdekurve në Turqi dhe Siri është rritur në të paktën 2,509 pas tërmetit të fuqishëm 7.8 ballë që goditi Turqinë jugore në orët e para të mëngjesit të së hënën.

Numri i përgjithshëm i të plagosurve në Turqi dhe Siri u rrit në 12.136.

Numri i përgjithshëm i vdekjeve në Turqi është rritur në 1.541, sipas nënpresidentit të Turqisë Fuat Oktay. 9,733 persona kanë mbetur të plagosur në Turqi, tha Oktay.

Epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja dhe që mendohet të shkojnë në disa qindra.