Shqipëria
Shqipëria nis për Turqi ekipin e ndihmës prej 53 personash
Në përbërje të këtij janë 53 persona, personel mjekësor dhe specialistë të kërkim-shpëtimit, ka njoftuar Ministria e Mbrojtjes e Shqipërisë.
Ekipi shqiptar i ndihmës është nisur drejt Turqisë, e cila po përballet me situatë të rëndë pas tërmetit që e goditi mëngjesin e sotëm.
Në përbërje të këtij janë 53 persona, personel mjekësor dhe specialistë të kërkim-shpëtimit, ka njoftuar Ministria e Mbrojtjes e Shqipërisë, përcjell Albinfo.ch.
Ministri i Mbrojtjes, Niko Peleshi, në ceremoninë e përcjelljes së ekipit shqiptar tha se Turqia është vend që e ka mbështetur Shqipërinë vazhdimisht, kështu që, sipas tij, në njëfarë mënyre ky është kthim i kontributit.
“Por, edhe nëse një fatkeqësi do t’i ndodhë një vendi tjetër, Shqipëria jonë e vogël do të tregojë se është gjithmonë e gatshme që kapacitetet e veta t’i verë në dispozicion, sepse në emergjencë apo solidaritet ne jemi tashmë pjesë edhe e Mekanizmit Evropian të Mbrojtjes Civile, ku nuk jemi vetëm për të marrë, por edhe për të dhënë”, tha ai.
Turqia e kishte ndihmuar Shqipërinë menjëherë pas tërmetit të 26 nëntorit të vitit 2019, duke dërguar ekipe të posaçme dhe mjete që u angazhuan në operacionet e kërkim-shpëtimit, si dhe ndihma të tjera si çadra, ushqime, batanije.
Më pas, qeveria turke ka financuar një projekt prej 42 milionë eurosh për ndërtimin e 522 banesave për banorët e prekur nga tërmeti në zonën e Kurbinit në Shqipëri./Albinfo.ch
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?