Lajme
Rritet çmimi i naftës pas dobësimit të dollarit
Çmimet e naftës u rritën të enjten pas rënies së mëparshme, pasi dobësimi i dollarit solli një interes në aktivet me rrezik dhe vendimi i OPEC+ për të mbajtur politikën e kufizimit të prodhimit solli një ulje të shqetësimit mbi tepricën e ofertës.
Dy standardet kryesore për çmimet e naftës, Brent dhe West Texas Intermediate (WTI) ranë me më shumë se 3% brenda natës pasi të dhënat e qeverisë amerikane treguan rritje të mëdha në inventarin e naftës dhe nënprodukteve të saj.
Banka qendrore amerikane (Federal Reserve Bank) rriti normën e interesit me 0.25 pikë përqindjeje të mërkurën, por vazhdoi të premtojë “rritje të vazhdueshme” në kostot e huamarrjes si pjesë e luftës së saj të vazhdueshme kundër inflacionit.
“Inflacioni është zbutur disi, por mbetet i lartë”, tha Banka qendrore e SHBA-së në një deklaratë, e cila konfirmoi përmirësimin e bërë në uljen e ritmit të rritjes së çmimeve nga nivelet e vitit të kaluar, të cilat ishin më të lartat e 40 vjetëve të fundit.
Ditën e enjte, indeksi i dollarit amerikan arriti nivelin më të ulët në nëntë muaj. Një dollar më i dobët e bën naftën, që tregtohet në dollarë, më të lirë për mbajtësit e monedhave të tjera, duke rritur kërkesën.
Të mërkurën, OPEC+ miratoi politikën aktuale të grupit të prodhuesve të naftës, duke lënë në fuqi kufizimet e prodhimit të rëna dakord vitin e kaluar mes shpresave për kërkesë më të lartë nga Kina dhe perspektivave të pasigurta për furnizimin rus.
Për të mbështetur tregun, OPEC+ ra dakord të ulë objektivin e tij të prodhimit me 2 milionë fuçi në ditë, rreth 2% e kërkesës botërore, nga nëntori i vitit të kaluar deri në fund të 2023-ës.
Çmimet po rriten gjithashtu për shkak të ndalimit të tregtimit të produkteve ruse në Bashkimin Europian.
Ditën e premte, vendet e BE-së do të kërkojnë arritjen e një marrëveshje për të vendosur çmim kufi për produktet e naftës ruse.
Komisioni Europian propozoi javën e kaluar se nga 5 shkurti, BE-ja të zbatojë një çmim kufi prej 100 dollarë për fuçi për produktet premium të karburanteve ruse, si nafta diesel dhe një çmim kufi prej 45 dollarësh për fuçi për produktet e naftës me çmim të reduktuar./Reuters
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj