Lajme
Cilët liderë botërorë janë më të ndjekurit në rrjetet sociale?
Pasi rrjetet sociale kanë pushtuar çdo cep të botës, edhe udhëheqësit botërorë janë detyruar të bëhen pjesë e tyre.
Pasi rrjetet sociale kanë pushtuar çdo cep të botës, edhe udhëheqësit botërorë janë detyruar të bëhen pjesë e tyre.
Tashmë shumë prej tyre kanë miliona ndjekës në rrjetet sociale. Po kush ka më së shumti ndjekës?
Presidenti amerikan, Joe Biden, ai turk, Rexhep Tajip Erdogan dhe ukrainasi Volodymyr Zelensky, janë liderët botërorë më të ndjekur në rrjetet sociale.
Ndërsa më aktivi është braziliani Inacio Lula da Silva.
Në anketim mungon presidenti rus, Vladimir Putin, i cili nuk ka llogari personale në asnjë nga tri platformat kryesore të marra në konsideratë: Facebook, Instagram dhe Twitter.
Në sondazhin e kryer nga Observatori Digjital i Fondacionit Italia Digitale, përfshiheshin 24 krerë qeverish, të disa prej vendeve më të rëndësishme në botë, raporton A2, përcjell Albinfo.ch.
Duke analizuar aktivitetet e marketingut në mediat sociale të drejtuesve, është përpiluar një renditje sipas numrit të ndjekësve, Engagement total dhe Engagement mesatar për postim, në harkun kohor të 3 muajve të fundit.
“Duke marrë parasysh tre rrjetet sociale më të përdorura nga drejtuesit për nga numri i ndjekësve, është Biden ai që shquhet me mbi 66 milionë ndjekës, i ndjekur nga Erdogan me më shumë se 40 milionë dhe Zelensky me 27 milionë”, shpjegon shefi i Observatorit Digjital, Sandro Giorgetti.
Për presidentin ukrainas ka një audiencë më të madhe ndërkombëtare se dy të tjerët, për shkak të vëmendjes mediatike të shkaktuar nga konflikti në Ukrainë, thotë Giorgetti.
“Audienca e Zelenskyt dhe Erdoganit është shumë besnike dhe krijon një tifozeri të vërtetë fansash socialë në favor të tyre, sa herë që publikojnë një postim”.
Pas tyre vjen braziliani Inacio Lula da Silva, lideri që publikon më shumë postime, me 1362 në 3 muaj.
Ata pasohen nga presidenti egjiptian, Abdel Fattah al Sisi, kryeministri i Mbretërisë së Bashkuar, Rishi Sunak dhe nga kryeministrja Giorgia Meloni”.
Sondazhi tregon gjithashtu se liderët e vendeve të Evropës Veriore kanë performanca më pak të rëndësishme./Albinfo.ch
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja