Lajme
Roboti ChatGPT, me përmasa rekorde të përdorimit
Bota e digjitalizimit ka marrë përmasa të jashtëzakonshme gjithandej globit. Po ashtu, edhe përdorimi i inteligjencës artificiale në teknologji sa vjen e avancohet.
Së fundmi, kompania me seli në San Francisko, OpenAI, e ka prezantuar robotin më të ri, ChatGPT.
Roboti në fjalë është një aplikacion softuerik, i cili fitoi një milion përdorues vetëm pesë ditë pas lansimit në nëntor të vitit të kaluar.
Ky robot, i cili mund të prodhojë tekst të ngjashëm me njeriun, është shfrytëzuar për të gjitha llojet e përdorimeve, nga shkrimi i tregimeve të shkurtra, proza, muzika, zgjidhje të problemeve matematikore, përkthime, e madje edhe për t’iu ndihmuar përdoruesve për korrigjim të kodeve kompjuterike.
Themeluesi i Microsoft, Bill Gates, ka paralajmëruar tashmë se roboti ChatGPT mund të zëvendësojë edhe njerëzit në punë.
Ditë më parë Microsoft konfirmoi një investim shumë milionëdollarësh në kompaninë amerikane OpenAI, krijuese e ChatGPT.
Për dallim nga roboti ChatGPT, i cili arriti në kohë rekorde suksesin e tij, shërbimeve të tjera të njohura në internet në përgjithësi u është dashur shumë më tepër kohë për të arritur shifrën e një milion përdoruesve.
Instagrami, më i përafërti
Platforma e njohur e mediave sociale Instagram arriti një milion përdorues në vetëm 2.5 muaj, megjithëse i matur nëpërmjet shkarkimeve të aplikacioneve.
Spotify dhe Dropbox gjithashtu e arritën sukses të shpejtë prej 1 milion përdoruesve në pesë, gjegjësisht shtatë muaj.
Rrjetit social më të popullarizuar në botë, Facebookut, i cili u themelua në vitin 2004, iu deshën 10 muaj që të arrijë në 1 milion përdorues.
Twitteri arriti shifrën e 1 milion përdoruesve pas 2 vjetëve nga themelimi i saj, ndërsa Netflixi 3 vjet e gjysmë./Reuters
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?