Lajme
Çfarë pasojash sjell menjanimi i një shujte ditore?
Shmangia e mëngjesit lidhet me një rrezik më të lartë të vdekjes nga sëmundjet kardiovaskulare, dhe anashkalimi i drekës ose darkës shoqërohet me vdekshmëri më të lartë nga të gjitha shkaqet, thonë të dhënat shkencore.
Kapërcimi i një prej tri vakteve standarde ditore mund të ketë pasoja të rënda shëndetësore, sipas një studimi të ri amerikan.
Një studim që përfshin 24.011 amerikanë mbi moshën 40 vjeç tregoi se ngrënia e vetëm një vakti në ditë lidhej përgjithësisht me vdekshmëri më të lartë, raporton Science Alert.
Shmangia e mëngjesit lidhet me një rrezik më të lartë të vdekjes nga sëmundjet kardiovaskulare, dhe anashkalimi i drekës ose darkës shoqërohet me vdekshmëri më të lartë nga të gjitha shkaqet. Problemi është vërejtur edhe kur të tria vaktet janë në mes, nëse janë shumë afër njëri-tjetrit. Një hendek prej 4.5 orësh ndërmjet vakteve mbart gjithashtu një rrezik më të lartë të vdekjes nga të gjitha shkaqet.
“Hulumtimi ynë zbuloi se njerëzit që hanë vetëm një herë në ditë kanë më shumë gjasa të vdesin më shpejt se ata që hanë më shumë se një herë në ditë”, tha Yangbo Sun, një epidemiolog në Universitetin e Tenesit.
Lidhja mbeti edhe pasi shkencëtarët rregulluan rezultatet për faktorë të ndryshëm të stilit të jetesës, si konsumimi i alkoolit, pirja e duhanit, niveli i aktivitetit fizik ose cilësia e dietës.
“Kështu që ne rekomandojmë të hani të paktën dy ose tri vakte në ditë”, tha Sun.
Studimi nuk ishte mjaft i madh për të vendosur një lidhje shkak-pasojë midis anashkalimit të vakteve dhe vdekjes së parakohshme, por lidhja është e mjaftueshme për kërkime të mëtejshme, theksojnë autorët.
Është e mundur që ka shkaqe të tjera që ndikojnë në zakonet dietike dhe vdekshmërinë.
“Rezultatet tona bazohen në një analizë të të dhënave publike dhe nuk nënkuptojnë kauzalitetin”, tha Wei Bao, një epidemiolog në Universitetin e Iowas. “Pavarësisht, ajo që gjetëm ka kuptim metabolik.”
“Kuptimi metabolik” i referohet faktit që anashkalimi i një vakti çon në hyrjen e tepërt të energjisë në trup në njërën prej tyre.
Kjo mund të shkaktojë një çekuilibër në mënyrën se si trupi rregullon glukozën dhe rrjedhimisht prish sistemin metabolik. Afërsisht 30 për qind e të anketuarve hanë rregullisht më pak se tri vakte në ditë.
Sigurisht, ka shumë arsye për këtë – nga orët e punës, stili ishpejtë i jetesës, varfëria, humbja e qëllimshme e peshës, por ekipi i shkencëtarëve që kreu studimin shpreson se ai do të stimulojë analiza të mëtejshme të rëndësisë së ngrënies së vakteve të rregullta./trtbalkan
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?