Lajme
Fluturimi më i shkurtër në botë
Që nga avioni i parë i krijuar nga Clément Ader, në vitin 1890, aviacioni është zhvilluar me hapa të mëdha. Sot ne mund të bëjmë udhëtime shumë të gjata, si ai Nju Jork-Singapor, që zgjat plot 17 orë.
Por, sa zgjat fluturimi më i shkurtër? Do të habiteni kur të mësoni se fluturimi më i shkurtër komercial në botë zgjat vetëm 90 sekonda. Ky fluturim mbulon vetëm 4,2 kilometra, aq sa është distanca midis ishujve Papa Westray dhe Westray, të vendosura në arkipelagun Orkney, në Skoci. Edhe pse të dy janë pjesë e arkipelagut të Ishujve Orkney dhe ndodhen shumë afër njëri-tjetrit, nuk ka ura apo traget që t’i lidhë.
Papa Westray, i njohur gjithashtu si Papay, është një ishull në Skoci me një popullsi prej 70 banorësh. Nga ana tjetër, Westray është ishulli i gjashtë më i madh në arkipelagun Orkney, me një sipërfaqe prej 47 kilometrash katrorë. Popullsia e tij është 600 banorë, të cilët jetojnë kryesisht në qytetin e Pierowall.
Ky fluturim kryhet në bordin e një kompanie Loganair BN-2 Islander, një avion i vogël që ka vend vetëm për 8 pasagjerë. Gjithashtu, është vetë piloti ai që jep shpjegimet e sigurisë dhe në më pak kohë nga sa duhet që një avion i zakonshëm të arrijë lartësinë e duhur për fluturim, do të keni arritur në destinacion. Më e bukura është se gjatë udhëtimit të shkurtër, do të mund të shijoni pamje të mrekullueshme të ishujve dhe peizazheve të tyre të gjelbëruara, transmeton cnn percjell albinfo.ch.
Ka edhe fluturime të tjera në botë që zgjasin shumë pak. Një prej tyre është ai që mbulon rrugën midis Apowo dhe Kegata, dy ishuj të largët dhe të vegjël në Papua të Indonezisë, të cilët ndahen nga një luginë e thellë. Udhëtimi zgjat vetëm 92 sekonda.
E-Diaspora
-
Flisni shqip në Zvicër! Përdorimi i gjuhës shqipe në Zvicër nuk duhet të shihet vetëm si një aspekt i diversitetit...
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?