SHBA jep miratimin për ilaçin e Alzheimerit

Administrata Amerikane e Ushqimit dhe Barnave miratoi të premten ilaçin e Alzheimerit, lecanemab, të zhvilluar nga Eisai Co Ltd (4523.T) dhe Biogen Inc (BIIB.O) për pacientët në fazat më të hershme të sëmundjes që humb mendjen.

Eisai dhe Biogen thanë të shtunën se prodhuesi japonez i barnave kishte aplikuar për miratimin e plotë të ilaçit nga FDA.

Ilaçi, që do të shitet nën markën Leqembi, i përket një klase trajtimesh që synojnë të ngadalësojnë përparimin e sëmundjes neurodegjenerative duke hequr grumbujt ngjitës të proteinës toksike beta amiloide nga truri.

Pothuajse të gjitha barnat e mëparshme eksperimentale që përdornin të njëjtën qasje kishin dështuar, përcjell albinfo.ch.

“Lajmet e sotme janë tepër të rëndësishme,” tha Dr. Howard Fillit, shefi i shkencës në Fondacionin e Zbulimit të Barnave Alzheimer. “Vitet tona të kërkimit mbi atë që është ndoshta sëmundja më komplekse me të cilën përballen njerëzit po shpërblehen dhe kjo na jep shpresë se ne mund të e bëjnë Alzheimerin jo vetëm të trajtueshëm, por edhe të parandalueshëm”.

Eisai tha se ilaçi do të lansohej me një çmim vjetor prej 26,500 dollarë. Aksionet e Biogen, të cilat ishin ndalur, u rritën me 3% në 279,40 dollarë/reuters