SHBA-ja miraton vaksinën e parë në botë për bletët

Foto: Wikipedia

Raportohet se SHBA-ja ka miratuar përdorimin e vaksinës së parë në botë për bletët. Kjo vaksinë u krijua për të parandaluar ngordhjet masive të bletëve nga një bakter që dobëson kolonitë duke sulmuar larvat e bletëve, përcjell albinfo.ch.

“Nëse ne mund të parandalojmë një infeksion në kosheret tona, ne mund të shmangim trajtimet e kushtueshme dhe të përqendrojmë energjinë tonë në elementë të tjerë të rëndësishëm për të mbajtur bletët tona të shëndetshme”, tha anëtari i bordit të Shoqatës së Bletarëve të Shtetit të Kalifornisë, Trevor Tauzer.

Si pjalmues, bletët luajnë një rol kritik në shumë aspekte të ekosistemit. Shefi i “Dalan Animal Health”, Annette Kleiser, tha se vaksina mund të shërbejnë si një përparim në mbrojtjen e bletëve.

Sipas USDA, në SHBA ka pasur shumë reduktime në kolonitë e bletëve që nga viti 2006. USDA thotë se shumë faktorë kërcënojnë shëndetin e bletëve, duke përfshirë këtu parazitët apo sëmundjet, si dhe një fenomen i quajtur “Çrregullimi i kolapsit të kolonisë”, i cili ndodh kur bletët punëtore braktisin një zgjua dhe lënë pas mbretëreshën.

Sipas Organizatës Kombeve të Bashkuara për Ushqimin dhe Bujqësinë, bletët, zogjtë apo lakuriqët e natës janë përgjegjës për rreth një të tretën e prodhimit të bimëve në botë.