Osmani dekoron policët që qëndruan në veri

Presidentja e Republikës së Kosovës, Vjosa Osmani ka qëndruar në pikën kufitare në Bërnjak dhe ka vizituar gjithashtu edhe bazën policore në Jasenovik dhe kampin Belvedere.

E shoqëruar nga ministri i Punëve të Brendshme Xhelal Sveçla, ata kanë falënderuar policët për angazhin derisa Osmani u ka ndarë atyre Medaljen Presidenciale për Siguri si shenjë vlerësimi për punën e bërë, përcjell albinfo.ch.
“Në prag të ndërrimit të motmoteve, vizituam policët tanë në pikën kufitare në Bërnjak, bazat policore në Jasenovik e Bërnjak si dhe në kampin ‘Belvedere’. Së bashku me Ministrin Sveçla, i falenderuam për shërbimin e tyre ndaj vendit, në mbrojtje të sovranitetit tonë e për siguri të të gjithë qytetarëve, pa dallim. Si shenjë të këtij vlerësimi, kam dekoruar njësi e zyrtarë policor me Medaljen Presidenciale për Siguri. Poashtu, të gjithë pjesëtarëve të policisë u uruam Vitin e Ri 2023 me dëshirën për shëndet për ata e familjet e tyre si dhe për suksese të mëtejme për Republikën tonë”, ka shkruar Osmani.