Meta shkel rregullat e konkurrencës në BE, rrezikon të gjobitet  

(AP Photo/Eric Risberg)

Kompania mëmë e Facebook, Meta, po shkel rregullat strikte të konkurrencës në Bashkimin Evropian, në tregun e reklamave të klasifikuara në internet, deklaroi sot Komisioni Evropian.

Analiza paraprake e komisionit bën përjashtim për Meta që lidh shërbimin “Facebook Marketplace” me Facebook, platformën e medias sociale të kompanisë.

“Përdoruesit e Facebook aksesohen automatikisht në ‘Facebook Marketplace’, pavarësisht dëshirës së tyre, duke shkaktuar shtrembërim të konkurrencës”, thuhet në deklaratën e komisionit.

“Kompania amerikane e teknologjisë vendosi gjithashtu kushte të padrejta tregtare për konkurrentët, në shërbimet e klasifikuara në internet që reklamohen në Facebook dhe Instagram, duke rënë në kundërshtim me rregullat antitrust të BE-së”, sipas deklaratës.

Mbikëqyrësi kryesor i konkurrencës i BE-së, beson se këto kushte imponojnë një barrë për konkurrentët dhe sjellin përfitime vetëm për “Facebook Marketplace”.

Kompania amerikane aktualisht ka të drejtë t’i përgjigjet akuzave me shkrim ose në një seancë dëgjimore.

Nëse komisioni vendos përfundimisht, se Meta ka shkelur rregullat antitrust, mund të gjobitet me 10% të xhiros vjetore.

Mbikëqyrësi i konkurrencës mbylli gjithashtu një hetim ndaj Google dhe Meta për shkelje të supozuara të rregullave të konkurrencës së BE-së, në lidhje me një marrëveshje reklamimi në internet/dpa