Zvicër: Intensifikohet ideja për kufirin e shpejtësisë në 30 km/h

(KEYSTONE/Laurent Gillieron)

Aktualisht lejohet maksimumi 50 km/h nëpër rrugët urbane në Zvicër, por Unioni i Qyteteve Zvicerane ka thënë të dielën se kufiri i 30 km/h “duhet të bëhet normë” – si në zonat e banuara, ashtu edhe në rrugët kryesore — për të reduktuar zhurmën, përcjell albinfo.ch.

“Zhurma nuk është vetëm një shqetësim, por është edhe e dëmshme për shëndetin dhe ekonominë. Megjithatë, është treguar se një ulje e shpejtësisë nga 50 në 30 km/h ul zhurmën përgjysmë”, sipas organizatës, e cila përfaqëson 129 lokalitete në vend.

Disa komuna në gjithë Zvicrën, duke përfshirë Cyrihun dhe Gjenevën, kanë filluar tashmë të hapin zona të zgjeruara me shpejtësi 30 km/h, dhe më shumë janë planifikuar në gjithë vendin.

Megjithatë, disa grupe, si USAM, organizata ombrellë që përfaqëson sektorë të ndryshëm ekonomikë, janë kundër shpejtësisë më të ulët në qytete, sepse “do të ishte keq për bizneset”.