Kosova

Abazoviç: Mali i Zi do të mbështesë Kosovën në rrugëtimin e saj drejt BE-së

E premte, 16 Dhjetor 2022 - 20:05 albinfo.ch
foto/ facebook/ Dritan Abazovic

Kryeministri në detyrë i Malit të Zi, Dritan Abazoviç, ka uruar Kosovën për aplikimin për anëtarësim në Bashkimin Evropian.

Ai theksoi se Mali i Zi do ta mbështesë Kosovën në rrugëtimin e saj drejt Bashkimit Evropian.

“Ky akt historik për Kosovën fuqizon aspiratat e Ballkanit Perëndimor për integrim në familjen e madhe evropiane. RK do të ketë mbështetje të sinqertë dhe të plotë të Malit të Zi në rrugëtimin e saj drejt BE-së!”, shkroi Abazoviç në Twitter.

Të mërkurën, aplikimi i Kosovës për anëtarësim në BE u nënshkrua nga presidentja Vjosa Osmani, kryetari i Kuvendit, Glauk Konjufca dhe kryeministri Albin Kurti.

 Të tjera nga Kosova

Ish-presidenti i Kosovës ofron 50 mijë euro dorëzani për lirim me kusht nga Haga

 E-Diaspora

 Jeta në Austri