Sonte përcaktohet finalisti i fundit mes Francës dhe Marokut

topi

Sonte do të mësohet finalisti i fundit i Kampionatit Botëror “Katar 2022”, ku kampioni aktual do të përballet me sensacionin e këtij turneu, përcjell albinfo.ch.

Stadiumi “Al Bayt” do të jetë nikoqir i gjysmëfinales së fundit të këtij Botërori, ku Franca përballet me Kombëtaren e Marokut, raporton KosovaPress.

Në eliminatore Franca e mposhti Poloninë 3:1 kurse në çerekfinale e eliminoi Anglinë me rezultat të ngushtë 2:1.

Ndërkaq, Maroku me plot meritë mund të cilësohet sensacioni i këtij edicioni të Kupës së Botës, pasi që në eliminatore e mposhti Spanjën me penallti, kurse në çerekfinale e eliminoi Portugalinë 1:0.

Përballja e fundit mes Francës dhe Marokut daton në muajin nëntor të vitit 2007, ku asokohe ndeshja u mbyll pa fitues me rezultat të barabartë 2:2.

Për Francën sot nuk do të paraqiten Benzema e Hernandez, kurse te Maroku mungon Walid Cheddira për shkak të kartonit të kuq.