Granit Xhaka, pas Botërorit, hyn në botën e modës

(KEYSTONE/Laurent Gillieron)

Granit Xhaka tashmë ka hyrë edhe në botën e modës me kompaninë e Lucernit Jucan × Xhaka, përshkruhet në faqet e Handelszeitung, përcjell albinfo.ch.

Sipas informatave, në regjistrin tregtar të kantonit të Lucernit zbulon se kompania u themelua në Horw më 18 nëntor.

Emri i Xhakës është i pranishëm në bordin drejtues të kompanisë që synon “tregtimin e tekstileve dhe mallrave të të gjitha llojeve”.

Nuk dihet ende emri me të cilin do të tregtohet marka, por në kompani emri i kampionit të futbollit lidhet me atë të Johannes Ucan, një sipërmarrës aktiv në sektorin e modës.

Roli i Xhakës, i cili aktualisht është në mes të Kupës së Botës në Katar, shkon përtej atij të ambasadorit, sqaroi Uçan: “Granit Xhaka është bashkëpronar i kompanisë. Ne jemi miq prej vitesh”. Një koleksion do të prezantohet në pranverën e vitit 2023, specifikon artikulli.