Rama nuk foli për fitoren e Zvicrës, tregon arsyet  

Keystone (AP Photo/Visar Kryeziu)

Kryeministri i Shqipërisë Edi Rama ishte ndër të paktët politikanë në Shqipëri që nuk reagoi publikisht pas fitores së Zvicrës ndaj Serbisë në Kupën e Botës.

Granit Xhaka dhe Xherdan Shaqiri ishin dy shqiptarët që shkëlqyrn në lojën kundër Shqipërisë por kjo nuk i ra Ramës në sy, transmeton albinfo.ch.

I pyetur nga mediat për arsyet e kësaj heshtjeje, Rama u shpreh se nuk e pa të arsyeshme që të përdorte politikisht 2 figura që luajnë për një shtet tjetër duke i fryrë zjarrit të një nacionalizmi qesharak.

“Nuk e kuptoj pse duhet të flisja se nuk jam kryeministër i Zvicrës, por i Shqipërisë. Nëse do i ndaja ata 2 shqiptarët që ne i shohim me dashurisë dhe simpati të madhe për një ndeshje të veçantë, çfarë do bëja? Do i përdorja ato figura për politikë dhe në një mënyrë aspak dinjitoze, sepse është ekipi kombëtar i një shteti tjetër dhe do i fryja zjarrit të një nacionalizmi qesharak, por nacionalizmi është sa qesharak aq edhe i rrezikshëm. Nuk e shoh të nevojshme dhe kush e bën nuk bën gjënë e duhur”, tha Rama.