OKB: Mbrojtja e ekosistemeve të botës kërkon 384 miliardë dollarë në vit

pixabay

Investimet në mbrojtjen dhe menaxhimin më të mirë të ekosistemeve botërore duhet të arrijnë në 384 miliardë dollarë në vit deri në vitin 2025, në mënyrë që të mbrohemi nga kërcënimet e ndryshimeve klimatike dhe humbja e burimeve natyrore.

Kjo ishte deklarata e Organizata e Kombeve të Bashkuara për mbrojtjen e mjedisit këtë të enjte. Bëhet fjalë për më shumë se dyfishin e nivelit aktual të investimeve.

Kjo llogaritje e OKB-së do të paraqitet në një samit të biodiversitetit që fillon javën e ardhshme në Montreal, ku vendet do të përpiqen të bien dakord për të mbrojtur natyrën dhe kafshët e egra nga humbja dhe degradimi i mëtejshëm i florës, faunës dhe peizazheve.

Aktualisht, 154 miliardë dollarë shpenzohen çdo vit, kryesisht nga qeveritë, për veprimet për mbrojtjen dhe menaxhimin më të mirë të ujit, tokës, ajrit dhe kafshëve të egra, të njohura si “zgjidhje të bazuara në natyrë”, sipas një raporti të Programit të Mjedisit të OKB-së (UNEP).