Mediumi anglez: Behgjet Pacolli dëshiron ta blejë Manchester Unitedin

The Telegraph: Pacolli ka treguar interesimin e tij për të blerë Manchester Unitedin

Ish-presidenti i Kosovës, Behgjet Pacolli, ka treguar interesimin e tij për të blerë Manchester Unitedin nga Glazer, përcjell albinfo.ch.

Pacolli, një miliarder dhe një biznesmen i suksesshëm, është aksionari kryesor i kompanisë zvicerane të ndërtimit dhe inxhinierisë civile, “Mabetex Group”.

Pacolli, që njihet edhe si një tifoz i futbollit, së fundmi ndoqi një ndeshje të Arsenalit në “Emirates Stadium”, kur “Topçinjtë” mposhtën Leicester Cityn në gusht.

“Football Transfers” ka shkruar se Pacolli është pyetur nga gazetarët këtë të mërkurë nëse ai ishte i interesuar të blinte Manchester United, derisa Pacolli u përgjigj “në rregull”.

Familja Glazer e ka nxjerrë zyrtarisht në shitje Manchester Unitedin pas gati 18 vjetësh pronësi.

Sipas “The Telegraph”, Glazers po kërkojnë një çmim se më të madh se 5.8 miliardë euro.

---