Edhe Ag Abazi i artë në Dubai, në garën e Inteligjencës

U zgjodhën më të mirët në Dubai për matematikë, nxënësit shqiptarë mbarojnë 30 pyetje për 3 minuta

Molos Gashi dhe Ag Abazi janë dy djemtë që kanë bërë krenarë të gjithë shqiptarët. Ata kanë shkëlqyer në garën e matematikës në Dubai. Molosi ka zënë vendin e parë dhe është vetëm 7 vjeç, ndërsa Agu është shpallur për herë të katërt më i miri në botë, shkruan albinfo.ch.

Këtë herë, Ag Abazi, nxënës i klasës V-2, Në Garën Ndërkombëtare të Inteligjencës – Matematikës, të mbajtur sot në Dubai, ka marrë medaljen e artë.

Lexo edhe Nxënësi nga Kosova fiton vendin e parë në garën ndërkombëtare të matematikës

Megjithatë, për Agun kjo nuk është hera e parë që ai shpërblehet për inteligjencën e tij. Në fakt, kjo është hera e katërt që ai del më i mirë se të gjithë bashkëmoshatarët e tij nga mbarë globi.

Pa dyshim, ky është një sukses i jashtëzakonshëm me të cilin Agu ka bërë krenarë jo vetëm familjen, por gjithë komunitetin tonë.

---