Adoleshenti me veshje të nazistëve hynë në një shkollë në Brazil, vret katër persona

Gjatë të shtënave në një shkollë në Brazil, ku një 16-vjeçar që barte simbole naziste, qëlloi për vdekje katër persona, tre në vendin e ngjarjes u shpallën të vdekur, kurse një profesoreshë ndërroi jetë rrugës për në spital.

Në qytetin Aracruz në shtetin Espirito Santo kanë bërë të ditur se nga 10 të plagosurit janë tre profesorë dhe një nxënës, raportojnë mediat ndërkombëtare.

“Për fat të keq, tragjedia në Aracruza akoma nuk ka përfunduar”, tha guvernatori Renato Casagrande.

“Me keqardhje konfirmojnë vdekjen edhe të një personi tjetër – atë të profesoreshës Flavia Amboss Mercon”, shtoi guvernatori, i cili shpalli tri ditë zie në Espirito Santo.

Sulmuesi është ish-nxënës që u arrestua dhe pritet të ulet në bankën e të akuzuarve për vrasje dhe tentimvrasje, ka njoftuar policia e shteti brazilian.

Dhuna nëpër shkollat braziliane ka shënuar rritje viteve të fundit, ku janë shënuar dhjetëra incidente që ka pasur të vdekur.

Mediat e atjeshme kanë publikuar pamjet, ku shihet sulmuesi me rroba të kamufluara dhe revole në dorë, futet brenda shkollës dhe fillon të shtjerë në drejtim të nxënësve dhe profesorëve.