Anglia, kundër FIFA-s dhe rregullave të Katarit, shkak shiriti me ngjyrat e ylberit

Kampionati Botëror ‘Katar 2022’ është gati për të filluar.

Një botëror ky i cilësuar më ndryshe, pasi për herë të parë do të zhvillohet në stinën e dimrit dhe Katari si shtet ka disa rregulla më strikte.

Nuk lejohet që kombëtaret të bartin shiritin e kapitenit me ngjyrat e ylberit dhe kushdo që do ta mbajë atë, do të gjobitet nga FIFA.

E kjo gjë nuk u ka pëlqyer anglezëve, pasi pritet të dalin kundër rregullave të FIFA-s dhe atyre të Katarit, pasi janë të vendosur që në krahun e kapitenit Harry Kane do të jetë shiriti me ngjyrat e ylberit, ku shkruhet ‘One Love’.

Shefi ekzekutiv i FA, Mark Bullingham, ka thënë për Sky News se ata janë gati të gjobiten për kapitenin e Anglisë, Harry Kane, që mban shiritin “One Love” në Kupën e Botës, përcjell Albinfo.ch.

“Ata nuk na kanë dhënë asnjë përgjigje për letrën tonë”, tha Bullingham për Sky News.

“Mendoj se ka mundësi të gjobitemi dhe nëse gjobitemi, atëherë do ta paguajmë gjobën. Ne mendojmë se është vërtet e rëndësishme të tregojmë vlerat tona. Dhe kjo është ajo që ne do të bëjmë”, deklaroi Bullingham.