Lajme
Amerikanja që fiton mbi 700 mijë dollarë në vit duke punuar vetëm 10 orë në javë
Një grua amerikane pretendon se fiton 780 000 dollarë në vit duke punuar vetëm 10 orë në javë. 33-vjeçarja Michelle Schroeder-Gardner e ka arritur këtë falë një blogu financash që ka nisur në vitin 2011 dhe që aktualisht i sjell të ardhura marramendëse.
Pas mbarimit të kolegjit, Schroeder-Gardner zuri një pozicion si analiste financiare, ku fitonte 40 000 dollarë në vit. Pavarësisht kësaj rroge të lartë, ajo nuk po mbyllte dot një borxh të krijuar nga kreditë e saj studentore, ndaj iu fut aventurës së krijimit të një biznesi tjetër që do ta ndihmonte të mbijetonte.
Siç shpjegon ajo në një artikull në faqen e internetit të “CNBC”, kur e krijoi blogun për paratë dhe stilin e jetës Making Sense of Cents në 2011, nuk e kishte idenë se çfarë po bënte.
Në fakt, Schroeder-Gardner pohon se borxhi i saj ishte në të vërtetë “një pjesë e madhe e arsyes pse fillova të bëj blogje”.
“Unë dhe bashkëshorti im kemi arritur pavarësinë financiare dhe kemi kursyer aq sa të dalim në pension kur të duam. Kjo më ka lejuar të jetoj stilin tim ideal të jetës: punoj vetëm 10 orë në javë dhe udhëtoj me orar të plotë me varkën tonë me vela. Unë rregullisht bëj zhytje, eksplorime dhe shëtitje”, theksoj ajo, transmeton albinfo.ch.
Për më tepër, Schroeder-Gardner ka grumbulluar mesatarisht 780 000 $ çdo vit në pesë vitet e fundit për këshillat e saj se si të filloni në botën e investimeve, produktet financiare më të rekomanduara për të kursyer dhe llojin e vendimeve financiare që mund të ndryshojnë financat tuaja personale.
“Making Sense of Cents filloi si një hobi, por gjashtë muaj pasi fillova të shkruaj, miku im më vuri në kontakt me një kompani që donte që unë të shkruaja një postim të sponsorizuar për ta. Ata më paguanin 100 dollarë për të arritur 50 000 vizitorët e mi mujore të faqes,” tregon Schroeder-Gardner.
Më pas, ajo argumenton se filloi të studionte blogerët e tjerë që fitonin shumë para. “Vazhdova të shkruaj postime të sponsorizuara duke kontaktuar markat me të cilat pashë blogerë të tjerë që punonin”, thekson Schroeder-Gardner.
Në vetëm dy vjet, Schroeder-Gardner fitonte 5 000-10 000 dollarë në muaj, më shumë se sa fitonte në punën e saj të përditshme. Vetëm kur arriti të shlyente kredinë studentore, vendosi të linte punën dhe t’i përkushtohej rritjes së blogut të saj.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja