Bezos: Pjesën më të madhe të pasurisë do ta ofrojë për bamirësi

Keystone (AP Photo/John Locher)

Themeluesi i Amazonit, Jeff Bezos, planifikon ta ofrojë pjesën më të madhe të pasurisë së tij prej 124 miliardë dollarësh për bamirësi.

Gjatë një interviste për CNN, Bezos ka theksuar se këtë pjesë të pasurisë do ta japë për të luftuar ndryshimet klimatike dhe për të mbështetur të gjithë ata që bashkojnë njerëzimin përballë problemeve sociale dhe politike.

Edhe pse ky zotim i tij nuk dha specifika të tjera, kjo është hera e parë që Bezos ka njoftuar se planifikon të japë donacion pjesën më të madhe të pasurisë së tij.

Kritikët e kanë qortuar ata për mosnënshkrimin e Giving Pledge, një premtim i qindra njerëzve më të pasur në botë për të dhuruar pjesën më të madhe të pasurisë së tyre për qëllime bamirësie.

I pyetur drejtpërdrejt nga gazetarja Chloe Melas se nëse ai e ka për synim të dhurojë pjesën më të madhe të pasurisë gjatë jetës së tij, Bezos shkurt tha “Po”.