Vdes njeriu që jetoi 18 vjet në aeroportin e Parisit

sc - youtube

Ai jetoi 18 vjet në aeroportin ‘Charles de Gaulle’ të Parisit dhe saga e jetës së tij frymëzoi filmin e Steven Spielberg “The Terminal”.

Edhe fundi i iranianit Merhan Karimi Nasseri do të ishte pikërisht në aeroport, që ishte kthyer në shtëpinë e tij. Nasseri vdiq pas një ataku kardiak në terminalin 2F të aeroportit. Policia dhe një ekip mjekësor i erdhën në ndihmë, por nuk ishin në gjendje ta shpëtonin.

Nasseri jetoi në Terminalin 1 të aeroportit nga viti 1988 deri në vitin 2006, fillimisht në harresë ligjore sepse i mungonin letrat e qëndrimit dhe më vonë zgjodhi të jetonte në aeroport, ku u kthye edhe në javët e fundit para se të vdiste.

Vit pas viti, ai flinte në një stol plastik të kuq, duke u bërë miq me punonjësit e aeroportit, duke bërë dush në ambientet e stafit, duke shkruar në ditarin e tij, duke lexuar revista dhe duke biseduar me udhëtarët që kalonin.

Stafi e quajti Lord Alfred dhe ai u bë i famshëm në mesin e pasagjerëve.

Nasseri lindi në vitin 1945 në Soleiman. Ai u largua nga Irani për të studiuar në Angli në vitin 1974. Kur u kthye u burgos dhe u dëbua pa pasaportë. Nasser aplikoi për azil politik në disa vende të Evropës.

Ai përfundoi në Charles de Gaulle në gusht 1988 dhe qëndroi aty përfundimisht./Euronews