Sonte “MTV EMA 2022”, fokusi te këngëtaret shqiptare

Sot do të mbahet ceremonia gala e ndarjes së çmimeve MTV Europe Music Awards 2022 në Dyseldorf të Gjermanisë, ndërsa janë shqiptarët ata që do të dominojnë në këtë eveniment.

Si fillim eventin do e drejtojë këngëtarja Rita Ora, me partnerin e saj, regjisorin Taika Waititi, duke vazhduar edhe me performanca e nominime, shkruan KlanKosova, përcjell Albinfo.ch.

Këngëtaret e njohura, Bebe Rexha dhe Ava Max po ashtu do të jenë pjesë e MTV EMA dhe, pos tjerash, do të interpretojnë hitet e tyre para publikut të pranishëm.

Madje, në kategorinë “Bashkëpunimi më i mirë” janë nominuar të tri artistet me famë internacionale dhe origjinë shqiptare – Bebe Rexha dhe David Guetta me këngën “I’m good (Blue)”, Dua Lipa dhe Megan The Stallion me “Sweetest Pie” si dhe Ava Max dhe DJ Tiesto me këngën “The Motto”.

Pjesë e nominimeve është edhe rep artistja Loredana, e cila do të garojë në kategorinë “Performuesja më e mirë zvicerane”.