Literaturë
6 librat e biznesit që nuk duhen humbur
Kjo listë e shkurtër përfshinë plot emra prestigjiozë dhe tituj intrigues që nuk duhen humbur këtë vjeshtë.
Kemi hyrë në çerek-vitin e fundit të 2022-it, që do të thotë se libër-dashësit kanë dy gjëra për të cilat ia vlen të gëzohen. Së pari, fundi i vitit sjell me vete listat ‘best-of’ që janë plot me sugjerime rreth librave, filmave e intervistave më të mira të viti dhe së dyti, kjo stinë sjell me vete temperaturat e ulëta, që do të thotë më tepër kohë për tu strukur diku ngrohtë, me një gotë kakao, gati për t’i shijuar të gjitha këto rekomandime.
Me këtë rast, Financial Times së bashku me McKinsey kanë marrë shkas të publikojnë listën e tyre të personalizuar të sugjerimeve për librat e biznesit më të mirë, që sipas tyre ja vlejnë të lexohen para përfundimit të vitit. Sipas kryeredaktores së Financial Times, Roula Khalaf, kjo listë përfaqëson libra që trajtojnë çështjet më emergjente me të cilat përballet sot biznesi, ndërsa homologia e saj në McKinsey, Virgina Simmons shprehet se këta tituj ‘ofrojnë këndvështrime tërheqëse dhe bindëse ndaj botës së biznesit modern, diskutimeve të ngrohjes globale si dhe një të ardhmeje më të qëndrueshme e gjithë-përfshirëse.’
1 – Bota në Shitje (The World for Sale nga Javier Blas dhe Jack Farchy)
Ky libër nga dyshja e ish-gazetarëve të FT, tregon historinë se si një grup shtëpish burse globale udhëhoqën bum-in e madh të tregut të aksioneve. Ndër shumë kritika pozitive, njëra prej tyre insiston se, “Nëse keni interesin më të vogël të mësoni se si u ndërtua bota moderne, nga kush dhe me ç ‘kosto, atëherë ky libër është për ju.”
2 – Perandoria e Dhimbjes (Empire of Pain nga Patrick Radden Keefe)
Ky libër është përshkruar nga kritikët si gozhdues, në të njëjtën kohë edhe tërbues. Ai ka qenë best-seller në New York, gjithashtu edhe pjesë e listës së librave të preferuar këtë verë, nga ish-presidenti amerikan Barack Obama. Libri ‘eksploron lidhjet mes familjes Sackler dhe epidemisë globale të varësisë ndaj opiatëve, me anë të ngritjes dhe fundosjes së Purdue Pharma – një kompani e themeluar nga dy vëllezërit Sackler dhe familjet e tyre.”
3 – Bashkëbisedimi (The Conversation nga Robert Livingston)
Një psikolog social i mirënjohur i Harvard, “shqyrton mënyrat se si mund t’i kthejmë diskutimet e vështira rreth racizmit dhe ngjyrës së lëkurës, në zyrë dhe në shoqëri, në një promovim kuptimplotë të ndryshimit dhe drejtësisë”.
4 – Lufta e Re Klimaterike (The New Climate War nga Michael E. Mann)
Një ekspert i klimës shpalos argumentet e tij ‘kundër in-aktivizimit klimaterik, duke parashtruar edhe një listë masash sistematike që mund të vihen në punë për të luftuar problemin global të ndryshimeve klimaterike,” – thotë FT. Ky libër është rekomanduar nga personalitet të ndryshme nga Bill Nye tek Leonardo DiCaprio.
5 – Kështu më Thanë se Vjen Fundi i Botës (This Is How They Tell Me the World Ends nga Nicole Perlroth)
Titulli i këtij libri mund të duket paska kontrovers, por The New Yorker insiston se ai nuk duhet humbur duke e quajtur “pak si John le Carré dhe shumë më tepër si Michael Crichton.” FT flet me superlativa rreth analizës që bëhet në këtë libër ndaj “kërcënimit të luftës së armëve, mes kriminelëve kibernetikë, spiunëve dhe hakerave që luftojnë për të infiltruar sistemet esenciale kompjuterike.”
6 – Aristokracia e Talentit (The Aristocracy of Talent nga Adrian Wooldridge)
Ky libër nga gazetari dhe historiani Adrian Wooldridge, ofron një “analizë të qenësishme të fushatave kundër meritokracisë” si dhe “shtron tezën kontroverse që mund të na çojë drejt ringjalljes së konkurrencës së bazuar tek talenti,” – sipas FT.
Të tjera nga Literaturë
E-Diaspora
-
“Kino Kosova”: Një realitet filmik i shikuar nga perspektiva femërore Në pesë nga shtatë filmat e shfaqur në ditën e dytë, autore janë gratë ose vajzat...
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte