Kanadaja urdhëron kompanitë kineze të largohen nga minierat e saj

Kanadaja ka urdhëruar tri kompani kineze që të largojnë investimet nga mineralet kritike kanadeze, duke përmendur sigurinë kombëtare, raporton Reuters, përcjell Albinfo.

Derisa vendet konkurrojnë për të mbledhur rezervat e materialeve të nevojshme për një tranzicion drejt një ekonomie më të pastër, ky vendim ka ulur aksionet e kompanive kinez.

Kompanitë që kanë hequr investimet e tyre janë Sinomine, Rare Metals Resources, Chengze Lithium International dhe Zangge Mining Investment. Qeveria kanadeze urdhëroi shitjen pas “shqyrtimit rigoroz” të firmave të huaja nga komuniteti i sigurisë kombëtare dhe inteligjencës kanadeze.

Çmimet e litiumit për vitin e fundit janë rritur me më shumë se 200 për qind, të nxitura nga kufizimet e furnizimit që pritet të vazhdojnë. Rystad Energy parashikoi që furnizimi me minerale primare të litiumit të jetë 8.5% më i ulët se kërkesa totale për litium për vitin 2025, krahasuar me rreth 10 për qind mungesë të kërkesës këtë vit.

Otava është shprehur se duhet të ndërtojë një zinxhir furnizimi elastik të mineraleve kritike me partnerë me të njëjtin mendim, pasi përshkruan rregullat që synojnë të mbrojnë sektorët kritikë të mineraleve të vendit nga kompanitë e huaja shtetërore.

Kanadaja ka depozita të mëdha të mineraleve kritike si nikeli dhe kobalti thelbësor për energji më të pastër dhe teknologji të tjera. Kërkesa për minerale parashikohet të rritet në dekadat e ardhshme. Në fillim të këtij viti, vendet duke përfshirë Britaninë e Madhe, Kanadanë dhe Shtetet e Bashkuara të Amerikës krijuan një partneritet që synon të sigurojë furnizimin me minerale kritike, ndërsa kërkesa botërore për to rritet, shkruan Reuters.