Oda e Infermierëve dënon rastin monstruoz në Pejë: Do të veprohet konform ligjit

Oda e Infermierëve, mamive dhe profesionistëve të tjerë shëndetësorë shprehet tejet e shqetësuar me pamjet e shfaqura në media, ku një punonjëse e një shtëpie për të moshuar në Pejë shihet duke ushtruar dhunë ndaj një të moshuare.

Në reagimin e tyre thuhet se sjelljet e tilla janë të papranueshme dhe “OIK është në verifkim të informacioneve nëse bëhet fjalë për ndonjë anëtare të saj apo siç ndodh shpesh, institucionet angazhojnë persona të pakualifikuar, e që me sjelljet e tyre ndikojnë direkt në imazhin e komunitetit shëndetësor”.

Tutje, në reagimin e tyre thuhet se “sjelljet e tilla nuk u përkasin punonjësve shëndetësorë, andaj OIK i dënon ashpër ato dhe sapo të marrë informacion më të detajizuar dhe zyrtar dhe nëse rezulton se personi në fjalë është anëtare e OIK, do të veprohet konfirm legjislacionit në fuqi”.