Pesë shtetas të Kosovës arrestohen për kontrabandë të emigrantëve

Pesë persona nga Kosova janë arrestuar mbrëmë në Maqedoni

 

Raportohet se pesë persona nga Kosova janë arrestuar mbrëmë në orën 21:50 tek zona industriale në Vallandovë nga ana e nëpunësve policorë nga Stacioni policor për kontroll kufitar “Star Dojran”, pasi me tre automjete kanë transportuar emigrantë, përcjell albinfo.ch.

Siç informoi sot MPB-ja, policia ka privuar nga liria V.R (22), A.D (24), G.A (23), F.G (23), dhe L.R (20), të gjithë nga Kosova, për shkak se me tri vetura të udhëtarëve “Folksvagen golf” me targa të Kosovës kanë transportuar 10 emigrantë nga Afganistani, nga të cilët pesë burra, dy gra dhe tre të mitur.

“Rreth orës 21:30 në rrugën e vjetër Stojakovë – Bogdanci, nëpunës policorë kanë vërejtur se në veturat e drejtuara nga A.D. dhe G.A hyjnë emigrantë, ndërsa në automjetin e drejtuar nga V.R. udhëtarë kanë qenë F.G. dhe L.R. Ata nuk janë ndaluar pasi është sinjalizuar dhe shpejt kanë ngarkuar emigrantë nga automjetet, por pas ndërmarrjes së masave, automjetet janë ndaluar dhe emigrantët janë gjetur”, sqarojnë nga MPB-ja.

Për ngjarjen është njoftuar Prokurori publik, ndërsa emigrantët janë dërguar në Qendrën e pranimit për hetim të mëtutjeshëm. Pas zbardhjes dhe dokumentimit të plotë të rastit, do të iniciohet parashtresë adekutate.

---