Kosova flet sot për herë të parë në Këshillin e Evropës

EPA/CHRISTOPHE KARABA

Nënkryetarja e Kuvendit të Kosovës, Saranda Bogujevci, ka treguar se në seancën e Asamblesë Parlamentare të Këshillit të Evropës të mbajtur dje është konfirmuar se Kosova ka të drejtën e mbajtjes së fjalës për herën e pare, përcjell albinfo.ch.

Ajo ka thënë se delegacioni nga Kosova ka tri ulëse dhe bashkë me të janë edhe deputetët Arben Gashi dhe Enis Kervan.

“Nesër do ta marrim fjalën kur të diskutohet për raportin “George Papandreou”, ku diskutohet çështja e Ballkanit Perëndimor dhe e ardhmja e gjashtë vendeve drejt BE-së”, është shprehur ajo mbrëmë.

“Si delegacion e kemi pasë të drejtën e fjalës nëpër komisione, por jo të votës derisa të bëhemi anëtar i plotë. Tani mund të kyçemi direkt në seancë, përveç komisionieve”, ka shtuar ajo.