Ngritja e Granit Xhakës

Futbollisti shqiptar po shkëlqen në këtë edicion te skuadra e Arsenalit

Arsenali është në krye të renditjes së Premierligës angleze.

Futbollisti shqiptar, Granit Xhaka, po shkëlqen. Ai shënoi gol në derbin e fundit londinez ndaj Tottenhamit për të konfirmuar formën e mirë që po e kalon, shkruan albinfo.ch.

Xhaka u zgjedh lojtari i ndeshjes. Në këtë edicion mesfushori i Zvicrës ka shkëlqyer, duke fituar sërish zemrat e tifozëve londinezë, që më parë e kishin kritikuar.

Derisa Arsenali është lider në Angli, meritë të madhe ka edhe Xhaka.

Pas ndeshjes së fundit ndaj Tottenhamit është shprehur: “Nuk kishim shumë këtë javë për t’u përgatitur për shkak të pushimit ndërkombëtar, por e pamë dje në stërvitje se ishim gati. Që në sekondën e parë mendoj se ishim skuadra më e mirë. Pasi pranuam golin ne kishim vështirësi pak, por në pjesën e dytë ishim shumë më mirë dhe jam shumë i lumtur që shënova dhe ndihmova skuadrën të fitojë. Goli im i parë në derbi në Angli. Jam më se i lumtur që e ndihmoj ekipin. Ekipi është gjëja më e rëndësishme”, ka thënë Xhaka.

---