SHBA paralajmëron Rusinë për ‘pasoja katastrofike’

Rusisë i kërkohet që menjëherë të ndalojë kërcënimet bërthamore

Sekretari amerikan i Shtetit, Antony Blinken, ka bërë me dije se Shtetet e Bashkuara të Amerikës kanë paralajmëruar privatisht Rusinë se do të ketë “pasoja katastrofike” nëse përdoren armë bërthamore.

“’Kemi qenë shumë të qartë me Rusinë publikisht dhe privatisht: duhen ndalur deklaratat mbi armët bërthamore”, tha Blinken për “CBS News”, transmeton Albinfo.ch.

“Është shumë e rëndësishme që Moska ta dëgjojë prej nesh që pasojat do të jenë të tmerrshme. Dhe ne ia kemi bërë shumë të qartë. Përdorimi i armëve bërthamore do të kishte efekte katastrofike për shtetin që do t’i përdorë dhe sigurisht që edhe për të tjerët”, shtoi Sekretari Amerikan i Shtetit.

 

 

---