Putin ashpërson ligjin për ata që refuzojnë të luftojnë

Burrat nga Rusia, të cilët nuk duan t'i përgjigjen thirrjes për mobiliIm, rrezikojnë 10 vjet burgim

Presidenti rus, Vladimir Putin, më 24 shtator ka nënshkruar amendamentet që ashpërsojnë dënimin për dezertorët dhe ata që refuzojnë të luftojnë. Dënimi parashihet deri në 10 vjet burgim.

Ky vendim vjen vetëm katër ditë pasi ai urdhëroi mobilizim të pjesshëm ushtarak, në mënyrë që të forcohet pushtimi i paprovokuar i Ukrainës dhe pasi forcat ruse pësuan humbje në fushëbetejë.

Më 24 shtator, Putin ka nënshkruar edhe një ligj tjetër, përmes të cilit lehtëson qasjen në marrjen e shtetësisë ruse për të huajt që regjistrohen në ushtrinë ruse.

Legjislacioni i ri ofron “thjeshtim” të rrugës deri te marrja e shtetësisë ruse në këmbim të shërbimit ushtarak njëvjeçar “në forcat e armatosura të Federatës Ruse, në forcat e tjera apo formacionet ushtarake”.

 

---