Federer, ambasadori më i mirë i Zvicrës

Keystone EPA/SEBASTIEN NOGIER

Tenisti i njohur zviceran, Roger Federer, është ikona e shtetit dhe është imazhi i një Zvicre moderne dhe të hapur,

Houseofswitzerland i ka kushtuar një shkrim sportistit, duke i bërë lidhjet e tij me vetë shtetin.

Aty vlerësohet lart roli ndërkombëtar i tenistit që ka pasur ndikim të madh edhe në shtet, transmeton albinfo.ch.

Vlerësohet se karakteri dhe loja e tij gjithashtu përbëhen nga besueshmëria dhe përsosmëria, të cilat gjithashtu lidhen me Zvicrën.

Presidenti i Federatës së Tenisit në Zvicër, René Stammbach, beson se Roger Federer është ambasadori më i mirë i Zvicrës jashtë vendit.

Zëdhënësi i Turizmit Zviceran, Véronique Kanel, për houseofswitzerland pajtohet se tenisti promovon imazhin pozitiv të një Zvicre moderne.

“Federer nuk është asgjë më pak se një legjendë e gjallë”, ka thënë Mathieu Aeschmann, gazetar sportiv i gazetës Tamedia.

Sipas historianit Dominique Dirlewanger, i cili ka shkruar një libër për zviceranët, ekziston një lidhje e dukshme midis Federer dhe Zvicrës, pasi ato përbëjnë vlera të ngjashme.

Në vitin 2018, revista TIME përsëri përfshiu Roger Federer në listën e ‘100 njerëzve më me ndikim në botë.