Irlandë: Kosova merr pjesë në Kampionatin Botëror të Lëvrimit të Tokës Bujqësore

Përfaqësuesja e Kosovës në artin e lëvrimit të tokës bujqësore po merr pjesë aktualisht në Kampionatin Botëror të Lëvrimit të Tokës Bujqësore në Irlandë, përcjell albinfo.ch.

Sipas njoftimit të Ministrisë së Bujqësisë, Pylltarisë dhe Zhvillimit Rural, Republika e Kosovës përfaqësohet nga Lulzim Shehu – Garues me eksperiencë 10-vjeçare në kategorinë e garës konvencionale dhe ekipit mbështetës, i cili përbëhet nga Afrim Sharku – Trajner, Alban Rama – gjyqtar ndërkombëtar si dhe Bekim Hoxha – përfaqësues i Ministrisë së Bujqësisë dhe Zhvillimit Rural, njëherësh dhe anëtar bordi i Organizatës Botërore të Lavrës.