SHBA dërgon edhe 600 milionë dollarë ndihmë ushtarake shtesë për Ukrainën

pixabay

Qeveria amerikane do të japë një paketë të re deri në 600 milionë dollarë ndihmë ushtarake shtesë për Ukrainën, me qëllim forcimin e forcave të armatosura të vendit kundër pushtuesve rusë, përcjell albinfo.ch.

Paketa do të përfshijë sisteme të shumta raketahedhëse (HIMARS) dhe municione për armët vetëlëvizëse Howitzer.

Ndihma ka për qëllim të përdoret për mbrojtjen e sovranitetit, modernizimin e forcave të sigurisë, përmirësimin e partneritetit me aleancën ushtarake të NATO-s dhe forcimin e kapaciteteve për “t’iu kundërvënë ndikimit rus dhe agresionit.

Që nga fillimi i pushtimit rus më 24 shkurt, Shtetet e Bashkuara kanë forcuar forcat e armatosura të Ukrainës me 15.1 miliardë dollarë ndihmë ushtarake.