Kosova

Çfarë diskutuan kryeministrat Kurti dhe Rama

E enjte, 15 Shtator 2022 - 12:40 albinfo.ch

Kryeministri i Kosovës, Albin Kurti, ka shkuar me urgjencë në Shqipëri dhe është takuar me kryeministrin e Shqipërisë, Edi Rama.

Fillimisht nuk ishte e qartë urgjenca e këtij udhëtimi. Sakt nuk dihet ende, nëse ka pasur edhe tema të tjera. Por zëdhënësi i Qeverisë së Kosovës, Përparim Kryeziu, ka bërë të ditur se në këtë takim është biseduar për sfidat në energji.

“Në këtë takim dy kryeministrat kanë folur për çështjet e politikave publike e qeveritare dhe socio-ekonomike në Kosovë e Shqipëri, me theks të veçantë në sfidat energjetike dhe shkëmbimin që po bëjnë KEK me KESH”, thotë Kryeziu.