Përleshje ushtarake mes Armenisë dhe Azerbajxhanit

Raportohet për bombardime dhe viktima në kufi

Përleshje të ashpra janë raportuar në orët e para të mëngjesit të sotëm mes Armenisë dhe Azerbajxhanit.

Mediat e ruaja raportojnë se në kufi ka pasur bombardime, e për pasojë disa të vdekur.

Luftimet shënojnë përplasjen e fundit mes dy armiqve të mëdhenj, pas shpërthimit të një lufte në vitin 2020 mbi rajonin e kontestuar Nagorno-Karabakh.

Ministria e Mbrojtjes e Armenisë tha se Azerbajxhani filloi “granatimet intensive” kundër pozicioneve ushtarake armene në drejtim të qyteteve Goris, Sok dhe Jermuk në orën 00:05 të mëngjesit (20:05 GMT) të martën. Trupat e Azerbajxhanit përdorën dronë, si dhe “artileri dhe armë zjarri të kalibrit të madh”, tha ai.

“Forcat e armatosura të Armenisë kanë nisur një përgjigje proporcionale”, shtoi ai.

Por Ministria e Mbrojtjes e Azerbajxhanit akuzoi Armeninë për “akte luftarake në shkallë të gjerë” pranë rretheve të Dashkesan, Kelbajar dhe Lachin në kufi.

Konflikti i fundit mes dy vendeve ishte në vitin 1980, kur të dyja palët ishin nën sundimin sovjetik dhe forcat armene pushtuan një pjesë të territorit pranë Nagorno-Karabkah, i njohur prej kohësh ndërkombëtarisht si territor i Azerbajxhanit, por me një popullsi të madhe armene.

Azerbajxhani i rifitoi ato territore në luftimet e vitit 2020, të cilat përfunduan me një armëpushim të ndërmjetësuar nga Rusia dhe mijëra banorë që u kthyen në shtëpitë nga të cilat kishin ikur.

Udhëheqësit e të dy vendeve janë takuar disa herë që atëherë për të arritur një traktat që synon të vendosë një paqe të qëndrueshme.

---